لم تكتف ريم الرحباني، ابنة الفنانة اللبنانية فيروز، بتكذيب شائعة وفاة والدتها، بل عمدت الى كتابة كلمات أكثر حدة، مطالبة بالكف عن نشر الأكاذيب، وقالت عبر حسابها على موقع "فيسبوك" للتواصل الاجتماعي يوم الاثنين الماضي: "يا ولاد روحوا إلعبوا بعيد، كل شي عم تفبركوه من إشاعات وصوَر وخبار وبشاعات، ما بتشبه إلا نفوسكن الدنيئة والمريضة رح يرتد عليكن".

وأضافت: "ما أبشعكن وما أوضحكن! حتّى بهيك وقت من سواد وحزن ومأساة هالبلد، ما قدرتوا تتخطّوا حقدكن وكرهكن، وتنيّموا وساختكن؟".

وتابعت: "بأكّدلكن الأذى اللي رايدينوا من هيك فبركات على انواعا ما عم يصيبنا إلنا، لأنو نحنا منعرفكن وحافظينكن وحافظين بشاعتكن، بس عم يصيب الناس اللي ما عادت قادرة تحمل ولا أي شي إضافي، من بشاعات الكون والزمن اللي وصلنالو، واكيد بأكدلكن كمان انها عم تئذيكن إلكن، وإن شاء الله شي نهار رح تدفعوا ثمنها".

وقالت ريما: "لهالزمن الوسخ اللي صار فيه تناقل اشاعات وقَتل ناس بعدا موجودة يطوّل بعمرا بدون التأكد او التفكير او المراجعة هيدا ما اسمو إلا مشاركة بالجريمة وبالوساخة والبشاعة".