انتشرت شائعة إصابة الممثلة المصرية ​عبلة كامل​ بالسرطان كالهشيم في النار بعدما كتب شخص يدعى فضل بلال رسالة عبر صفحته الخاصة على أحد مواقع التواصل الإجتماعي، أن عبلة كامل هي من طلبت منه نشرها، حيث جاء فيها: "الفنانة الكبيرة الأستاذة عبلة كامل طلبت مني أوصّل الرسالة دي لعلها توصل لأي حد بينشر إشاعات عن حياتها وصحتها".

 وعلقت عبلة كامل بالقول: "عيب، والله العظيم عيب، لو الناس مش هتتقي ربنا وتخاف منه في وقت زي ده هتتقيه وتخاف منه إيمتى؟ وإيه اللي هيستفيده إنسان من إنه يقلق حياة الناس بكلام كذب، بيدعي إنه بينشره لإنه محب أو معجب، أنا اخترت نمط حياة سعيدة بيه وراضية عنه، وما عنديش أي حسابات على السوشيال ميديا ولا هيبقى عندي في أي يوم من الأيام، ولا بتابع السوشيال ميديا ولا بنشر عليها أي شيء من أي نوع ولا مهتمة بده، وأتمنى اللي يشوف حساب منسوب ليا يساهم في قفله باللي يقدر عليه".

وأضافت: "والحساب اللي عاملاه واحدة بتدعي إنها بنتي مالوش أي علاقة ببناتي فاطمة وزينب، وكل اللي بيتنشر فيه كذب، والكلام اللي اتنشر في هذا الحساب عن إني مش فخورة بفني وبشغلي كله كذب وافترا، والحمد لله أنا في أحسن صحة وعافية، وبشكر الناس الطيبين كلهم على محبتهم وتقديرهم اللي أنا ممتنة ليها وبحمد ربنا عليها، وربنا يتقبل دعواتكم الجميلة ليا ويخلي لكم حبايبكم".

وتابعت: "أتمنى اللي يشوف الرسالة دي ويشوف بعدها كلام منسوب للأستاذة عبلة كامل يعمل ريبورت للحساب اللي بينشر الكلام ويساهم في قفله، وشكراً جزيلاً لحضراتكم".