تفاصيل الخبر

زين العمر: خبرونا مين خاطف لبنان؟

17/06/2021
زين العمر.

زين العمر.


 يتابع الفنان اللبناني زين العمر توجيه رسائله اللاذعة للسلطة فرفع صوته عالياً مجدداً عبر رسالة وجهها إلى "كل مسؤول من راس الدولة ونزول"، مطالباً إياهم بالكشف عن هوية "خاطف لبنان"، وفق تعبيره. وغرّد: "كل مسؤول من راس الدولة ونزول، يللي مش قادر يغيّر شي بالبلد يتفضّل يفل، نحنا جبناكن حتى تغيّرو، مش حتى نتفرج عليكن وتخبرونا أشعار، تفضلّوا خبرونا مين خاطف لبنان تفضلوا خبرونا مين ما عم بخلي حدا يشتغل بلبنان؟".

وزين الذي فقد والده هذا العام بسبب فيروس كورونا، دخلت والدته المستشفى ايضاً، وفي شهر آذار الفائت، زارها النائب المستقيل سامي الجميّل فشكره زين كاتباً في صفحته الخاصة على تويتر: "لما تكون إمك بالمستشفى وتلاقي الشيخ سامي الجميّل عم بزورها ويقلي إمك إمي يا زين، بتصير الحياة حلوة كتير. شكراً لمحبتك شيخ سامي الجمّيل الله يحميك ويحمي عيلتك ويحمي إمك"! 

 من جهة أخرى، اعتبر زين الذي كان يناصر التيار الوطني الحر، وهو صاحب الأغنية الأشهر "شو عملتلي بالبلد"، أن "كلام سمير جعجع صح" حيث قال عبر "تويتر": "لأنو ما تعودنا إلا قول الحقيقة ولأنو دواء وبنزين ما فيه وما حدا بيطلّع فينا بالمستشفيات ولأنو صرنا شعب مذلول ولأنو كرامة الإنسان صارت ناقصة ولأنو أنا لبناني وبعبد تراب لبنان وشعبو ولأنو انا قلت مين ما حكي صح رح نقلّو صح، انا اليوم بقول كلام سمير جعجع صح. وأضاف، وين الدولة؟".

وعتَب زين على الوضع الذي يعيشه اللبناني، لاقته تغريدة السوبرستار راغب علامة التي استهزأ فيها بدوره بالتطورات اللبنانية لحل الأزمة الحالية، معتبراً أنّ الأمور ستعود الى ما كانت عليه سابقاً فغرّد: "افرحوا أيها اللبنانيون واحتفِلوا كل الأخبار تبشر بأن الخليلين وباسيل اجتمعوا واتفقوا على توزيع الحقائب الوزارية".

وتابع: "يعني لا سرقة ونهب وفساد وتآمر على الشعب بعد اليوم والكهرباء من الآن 24/24 والدولار رح يرجع لـ 1500 ليرة وسيحكم البلد أنظف وأرقى وأحنّ أنواع المسؤولين".